السّعادة والتّعاسة

و إسا بدي بلش صفحة جديدة عن حياه جديدة، اللي ما فيها ماضي بعيد وكئيب.

عشت كآبة الدنيا. مش كلها، نصها، بس كانت كآبة كاملة. كنت عم ابحث عن الكمال وأخذت الكآبة بكاملها.

امرات بتسائل، شو انا سويت؟ كيف وصلت لهيك موقف؟ كيف صرت وحدة منهن، من الناس اللي ما لاقت موضوع تكتب عنّة غير الكآبة. لهدّرجة انا بشفّق؟

أنا بني آدم بدوّر دايماً عن السّعادة. هذا الاشي انا بعرفى منيح عن حالي. بحب السّعادة. بدّور عليها وين مبقدر. في ناس ممكن تعارضني على الشّغلة وتقول ان انا بني آدم كئيب وببحث بس عن الكآبة – الحزن العميق.  بس انا بعرف حالي احسن من غيري.

كنت قبل كم يوم عم بحلم. بهديك الارض الخضرا تاعت طفولتي. طفولتي اللي ضيّعتها من زمان. كنت طفلة صغيرة بدون تجربة او خطيئة، كان كلشي واضح، بس بنفس الوقت مكنتش اعرف اشي.

ولا اشي.

كنت مفكرة العالم موجود وما راح ينتهي.

اسا بفكر ان العالم من زمان انتهى.

واحنا… قاعدبن ولا فارقة معنا شو عم بصير.

هالدنيا ملانة… ملوّنو بكل الوان الطبيعة.

واحنا منشوفها بنفس الالوان.

اعيننا ما بتشوفها بأكثر من هاي الألوان.

لأن ما طوّرناها بصغرنا وبس كبرنا صار الوقت كثيرمتأخر وبا بعد في عنّا قدرة على الألوان.

الألوان اقوى من شو احنا منشوف.

ومش بس اعيننا ضعيفة، وكمان ديننا. وما منسمع الّا الموسيقى العارية، اللي فيها لحن بسيط، وكلمات مفهومة. وصعب نفهم ونسمع ونستوعب الحان ونغمات متطورة. ديننا ما تطور واحنا صغار.

احنا بس عرفنا نمشي واحنا صغار. تعلمنا كيف نمشي ونركض.

وهيك قدرنا نمشي، نركض ونكبر. ووصلنا وين احنا اسّا.

بعدنا مندوّر على السّعادة والنّصر.

بس عالم الإكتئاب غلبنا.

24/2/2014

3 thoughts on “السّعادة والتّعاسة

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s